އަނެއްކާވެސް ބޮލޮގެއް ހުޅުވާލީމެވެ. ކުރާނީ ކީއްހެއްޔެވެ. ކުރާނެ ނުކުރާނެ ކަމެއް ނޭނގެއެވެ. ޙަޔާތުގެ މިޞްރާބު ގެއްލި މުރިނގުން ބުއްދި ކައްސާލާފައިވާ ދުވަސްކޮޅެކެވެ. މިފަދަ ދުވަހެއް ދެއްކެވުމަށް ފުރާނަ އަޅުއްވައި ސިކުނޑިއަށް ތެތްކަމެއް ދެއްވާފައިވާ އެއްވެސް އިންސާނަކު ނޭދޭނެއެވެ.
ކުއްލިޔަކަށް ސިސްސައިގެން ދިޔައީ ބަރު އަޑަކުން މީހަކު އަހަރެންގެ ނަން ގޮވާލީމައެވެ. ވިސްނި ވިސްނުން ހުއްޓުވާލީއެވެ. ލިޔަންއިން ގަލަން ދޫކޮށްލައި، އިށީނދެއިން އަދަރާދު ގޮނޑިން ފޫކޮޅު ހިއްލާލީމެވެ. ކަކުލަށް އެނގުންވެލައިގެން ދިޔައެވެ. ވާނީވެސް އެހެންތާއެވެ. އިއްޔެވެސް ކުޅެންފެށީ އެއްވެސްވަރަކަށް ސްޓްރެޗް ނުކޮށެވެ. ތަންތަނަށް ތަދުވިޔަސް އެކަމު މީދެން ފުކެއް ބޮޑުވަރެއްތާއެވެ.
އަދުމީ ހުކުރެވެ. މާދަމާ ހޮނިހިރެވެ. އޭގެ އަނެއްދުވަސްވާނީ އާދީއްތަ ދުވަހަކަށެވެ. އޭޕްރީލް މަހުން 09 ވާނީ ބުރާސްފަތި ދުވަހަކަށެވެ.
ބްލޮގްހުޅުވާލީ ކޮންބޭނުމެއްގައިކަން ހާމަކޮށްލާން ވާނެތާއެވެ. މިހެންދެން ކުރާނެކަމެއް ނުކުރާނެކަމެއް ނޭނގި ހޭދަކުރަން ޖެހިފައިވާ ދުވަސްތައް، އެކިދުވަހު ވާ ކަންތައްތައް ދިވެހިބަހުން ލިޔުމަށް ތިރިކުރެވޭތޯ ބްލޮގްކުރިޔަށްދާވަރަކަށް ބަލަމުން ގެންދާނަމެވެ. ވަކި އަނެއްހެން ކިޔާނެ މީހަކު ބަލައިކޔާނެ ކަމަށް ލިޔާ ބޭކާރު ލިޔުމެއް މީ ނޫނެވެ. އެކަމަކު އޮއްޓަރުހުރި ތަފާތު ލިޔުނަތަކެއް މިބްލޮގްގައި ހިމަނާލެވޭތޯ ބަލާނަމެވެ.
* * * * * * * * *
No comments:
Post a Comment