ދެން އޯކޭ! ފައިން
ހާދަހާ ގަދަ ނިންޖަކުން ނިދިފައި މިރޭ ތިޔަ އޮންނެވޫ
ހާދަވަރަކަށްގުޅިފަހުންނޭ ފޯނުވެސް ތިޔަ ނެންގެވޫ
ފޯނު ނުނަގާ ލަސްވަމުންދާ ކޮންމެފަހަރަކު ހީވަނީ
ފޯނު ރިންގް ކަނދާލުމަށްފަހުގައިހެނޭ ތިޔަ އޮންނެވޫ
ވާގޮތެއް ނޭނގޭކަމުން ދެންހަމަ ޚިޔާލަށް އަންނަނީ
ހާގޮވާ އަޑުވެސް ނެތީހޭ؟ ލޯބި ތިޔަދެން އޮންނެވޫ
*******
މީކިހިނެތްވާ ކަމެއްހެއްޔެވެ.
---------------------------------------------------------------------------
ވަރަށް ޚާއްޞަ ވެއްޖެއެވެ.
ވަރަށްގާތްވެސް ވެވިއްޖެއެވެ.
މިހާރު އަހަރެންނަށް މި ކުރެވެނީ ހާދަހާ އާދަޔާޚިލާފު އުފާވެރި އިޙްސާސެކެވެ.
އެކަމަކު މިދެމެދުގައި ހާދަ ދުރުމިނެއް އެބަވެއެވެ.
ނަމަވެސް މި އިޙްސާސްކުރެވެނީ ގާތްކަމެވެ.
އަހަރެންގެ މި އެކަނިވެރިކަން ހިނިތުންވަމުން ނަށަމުން އެބަދެއެވެ.
މިއީ ކޮންކަހަލަ ޖާދޫއެއް ބާވައެވެ.
އަހަންނަށް މިވަނީ ކީއްބާވައެވެ.
ހަމަހިމޭންވެފައި ހުރި ބައެއް އިޙްސާސްތައް ހޭލައިފިއެވެ.
މިއީ ކޮން މޫސުމެއް ހެއްޔެވެ.
މިކުރެވެނީ ކޮން އިންތިޒާރެއްބާވައެވެ.
މި ހަމަހިމޭންކަމުގެ މާނައަކީ ކޮބައިހެއްޔެވެ.
އަހަރެންމިހުރީ ދުލުން ބުނާނެއެއްޗެއްވެސް ނޭނގިފައެވެ.
އެކަމުގައި ކަލާގެ އެއްވެސް ކުށެއްނެތެވެ.
އަހަރެންގެ ހިތަށް އެހިތް ކަހަލަ އެހެންހިތެއް ފެނުނީއެވެ.
ދެން އެހިތް އަހަރެންގެ ހިތް ބަލިކޮށްލައިފިއެވެ.
އެކަމަކު މިބަލިވުން ކާމިޔާބީއެއްގެ ގޮތުގައި މިބެލެވެނީ ކީއްވެބާއެވެ.
މި ހިތަކީ އެހެންޏާ ދުވަހަކުވެސް ބަލި ޤަބޫލުކުރި ހިތެއްނޫނެވެ.
މިހާވަރަށް ބޭޤަރާރު މިވީ ކީއްވެބާއެވެ.
ތިބާއަށްޓަކައި އަހަރެން އުފުލި ކެކުޅުންތަށް ހަނދާނެއްނުނެތޭނެއެވެ.
އެކަމަކު އަހަރެންނަށް މިހާރު ވަރިހަމައެވެ.
ފަހަރެއްގައި ތިބާގެ ހިތަށް އަރާފާނެއެވެ.
އަހަރެންނަށް ޙައްޤުވަނީ އެވަރަކަށްވެސްނޫނެވެ.
ހަޤީޤަތުގައި ތިބާ ބޭނުންވީ އަދި އިތުރަށްވެސް ވޭންތަކެއް އަހަންނަށްދޭށެވެ.
އެކަންނުވަނީސް އަހަރެން ތިބާގެ ވަކިތަކުން މިނިވަންވީކަހަލައެވެ.
އަހަރެން ކަލާއަށް ދިންވަރަށްވުރެ ވަކީންބޮޑު އެއްބާރުލުމެއް އަހަރެންނަކަށް ނުދެވޭނެއެވެ.
އެހެންވެ އެއަށްވުރެ އިތުރަށް ތިބާ އަހަރެންގެ ފަރާތުން އެދުނަސް އަހަންނަށް އެވަރު ކޮށްދެވޭކަށް އެއިރަކު ނެތެވެ.
އެވަރުން ތިބާއަށްޓަކައި ވީ ޤުރުބާނީގެއަގު ތިބާ އަހަރެންނަށްދިނީ އަހަރެންގެ ހިތާ، ހަށިގަނޑާ، ފުރަނަޔާ ދެކޮޅަށް ކުރުވި ހުވާތަކެއްގެ ސިފައިގައެވެ.
އަހަރެމެންވީ އެންމެ ފުރިހަމަ ލޯބިވެރީންނަށެވެ.
އެކަމަކު ތިބާ އަހަރެންނަށް ނުވާފެންވަރުން އަހަރެންގެ ފަރާތުން އެދުނީމުއެވެ.
އަހަރެމެންގެ ދެމެދުގައިވީ ލޯތްބަށް އެއްވެސް ފުރުޞަތެއް ދޭކަށް ތިބާ އެއްބަހެއް ނުވީމުއެވެ.
ތިބާ އަހަރެންނަށް ހެއުއެދުނުނަމަ އެ ލޯބި އަހަރެމެން ގެންގޮސްދޭނީ ކިހާހިސާބަކަށް ކަމާމެދަކު ދެން ވިސްނުމުގެ މާނައެއްނެތެވެ.
ފަހަރެއްގައި ކޮންމެވެސް ދުވަހަކުން ތިބާ އެކަމާ ހިތާމަކޮށް ކަރުނަ އޮއްސަން ޖެހިދާނެއެވެ.
ނޫނީ ފަހަރެއްގައި އެއީ ތިބާގެ ޙަޔާތުގައި ހެދުނު އެންމެ ރަނގަޅު ނިންމުން ކަމުގައިވެސް ވެދާނެއެވެ.
ފަހަރެއްގައި ކޮންމެވެސް ދުވަހަކުން އަހަރެން އުފަލުން ހިނިތުންވެލާފައި ދާތަން ތިބާއަށް ފެނިދާނެއެވެ.
އެހެންމީހަކު ނުލާހިކު އުފަލުން އަހަރެންގެ އަތުގައި ހިފާލައިގެން މަޑު ހިނގުމެއްގައި ދަނިކޮށެވެ.
ދެން އެހާހިސާބުން ތިބާގެ ޙަޔާތުން މަދުވެގެން އަބަދު އެކަމާ ޚިޔާލްކުރެވޭ ކަންތައްތައް ހަނދާންވެދާނެއެވެ.
އަހަރެންނަށް އެނގޭކަމަކީ، ކޮންމެވެސް ދުވަހަކުން ތިބާ އަހަރެން މިނިވަންކުރި ކަމަށްޓަކައި
ކޮންމެވެސް މީހަކު ތިބާއަށް ޝުކުރުއަދާކުރާނެކަމެވެ.
ތިބާގެ މޮޔަކަމާމެދު އަހަރެން ޙައިރާންވެއެވެ.
މިއީ މުޅިޢުމުރުގައިވެސް....
މިއީ މުޅިޢުމުރުގައިވެސް ކަލާއަށް އަހަރެން ފެންނާނެ އެންމެ ފަހު ފަހަރެވެ. އެކަމަކު ކަލާއަށްވެސް އަދި އަހަންނަށްވެސް އެނގޭ ކަމަކީ، މިއީ އެހާބޮޑު ކަމެއްނޫންކަމެވެ. ފަރުވާލެއް ނެތެވެ. އަހަރެންވެސް އަހަރެންގެ އިޙްސާސްތަށް ފޮއްޓަކަށްލައި ބަންދުކޮށްފީމެވެ.
އަހަރެން ހިތައްއަރައެވެ. އަހަރެން އެހާބޮޑު ދޮގެއްހެދީ ކީއްވެގެން ހެއްޔެވެ؟ ފަހަރެއްގައި ކޮންމެވެސް ދުވަހަކުން ކަލާ އަހަރެންގެ އެ ދޮގު ޤަބޫލު ކުރަން ފަށާފާނެބާވައެވެ؟
އަހަރެންނަކީ ކެއްކުރަން ދަންނަ މީހެއްނޫނެވެ. އަހަރެން ހިތް ދަމައިގަންނަ ކަހަލަ އެއްޗެއް ފެނިއްޖިއްޔާ އެ އެއެއްޗެއް ހޯދައިގަންނާނެ އެތަކެއް ހާސްގޮތެއް އަހަރެން ވިސްނަމެވެ. އަހަރެން ޤަވާޢިދު ތަކަށް ޙުރުމަތްތެރިކޮށް ނުހިތަނީކީ ނޫނެވެ. އެކަމަކު އަހަރެން އެންމެންގެ ތެރޭގައި ނަން ހިނގާފައި އޮންނަނީ އަބަދުވެސް ޤާނޫނުތައް މުގުރާލާ މީހެއްގެ ގޮތުގައެވެ. ވާގޮތަކީ، މާބޮޑަށް އަހަރެން ކަމެއްބޭނުންވެއްޖެ ނަމަ އެހެންމީހުން ހަދާ ޤާނޫނުތައްބާއްވާފައި އަހަރެންގެ އަމިއްލަ ޤާނުނުތަކެއް ހެދޭގޮތްވަނީއެވެ.
އަހަރެން ފަހަކަށްއައިސް ބަނޑުހައިގެންފައި ހުރި ހަނދާނެއްނެތެވެ. އެކަމަކު ފަހަކަށްއައިސް ރައްޓެހީން އަހަރެންދެކެ ފާޑަކަށް ޖެހިލުންވާކަން ފާހަގަ ކުރެވެއެވެ. އަހަރެންގެ ލޮލުގައި އަޅައިގަނެފިއްޔާ ސަލާމަތްނުވެދާނޭ ކަމަށް އެމީހުންވެސް ހީކުރާ ކަހަލައެވެ.
މީއަކީ އެހާރީތި ވާހަކައެއްނޫނެވެ. އެކަމަކު ހަޤީޤަތެވެ. އަހަރެން މިކަންތައްތަކާ ގަދައަޅާ މަސައްކަތްކުރަން ބޭނުމެވެ. މޮޅެތިމީހުނަށްވުރެ ކުޅަދާނަވާން ބޭނުމެވެ. އަހަރެންނަކީވެސް ރައްޓެއްސެއްގެ ގޮތުގައި ބަލައިގަނެވޭފަދަ މީހެއްކަން ކަލާއަށް ޔަޤީންކޮށްދޭން ބޭނުމެވެ.
އަނގަމަޑުންލައިގެންހުންނަށް އަހަރެން އެބަ ދަސްކުރަމެވެ. ދުވަހެއް ދުވަހަކަށް މަޑުމައިތިރިވުމަށް އެބަ މަސައްކަތް ކުރަމެވެ. އަހަރެންގެ އެތެރޭގެ ޟަމީރު ކައިހުސްވިޔަސް ބަހެއްނުބުނެވޭތޯ ހިތްވަރު ކުރަމެވެ.
މަސައްކަތް އެބަ ކުރެވެއެވެ!
