އިނދިކީލި ޚިޔާލު ނުގެންގުޅޭށެވެ.
އަހަރެންނަށް ބުނަން ނުކެރުނީއެވެ.
ހިސާބަށްވުރެ ބޮޑަށް އަހަރެން ޖެހިލުންވީއެވެ.
އަގުބޮޑު އެއްޗެއް ގެއްލިދާނެ ކަމުގެ ބިރައްޓަކައެވެ.
އެކަމަކު އަހަރެން ދޮގެއް ނުހަދަމެވެ.
އަހަރެންނަށް ބުނަން ނުކެރުނީއެވެ.
ހަނުހުރުމަކީ، ދޮގުހެދުން ކަމުގައި ވާނަމަ...
ފަސްޖެހެވުނީ ދެންވާނެގޮތެއް ޚިޔާލަށްގެންނަށް އުނދަގޫވީމައެވެ.
އެހެންމީހުން އިނދިކީލި ޚިޔާލު ގެންގުޅެފާނެކަމަށް ނުވިސްނުނީއެވެ.
އަހަރެންނަށް ބުނަން ނުކެރުނީއެވެ.
އަމިއްލައަށް ފިނޑި ވެވުނީއެވެ.
ރައްޓެހީން ގެންގުޅުމަކީ ގޯހެއްކަމަކަށް ޤަބުލެއް ނުކުރަމެވެ.
ދެން ރައްޓެއްސެއްގެ ގާތުގައި ބުނަންޖެހިލުންވީ ކީއްވެގެން ހެއްޔެވެ؟
އަހަރެންނަށް ބުނަން ނުކެރުނީއެވެ.
އަޑުއަހާމީހާގެ ރައްދު އަންނާނެގޮށް ނޭނގޭތީ ފަސްޖެހެވުނީއެވެ. އެކަމަކު...
އަދި ވަޤުތު ފާއިތުވީ ކަމަކަށް ޤަބޫލެއް ނުކުރަމެވެ.
ފަހުން ބުނެލަން އިހަށް މަޑުޖައްސާލީއެވެ.
******
1 comment:
nice one ..
Post a Comment