މިހާހިސާބުން ނިމުނީއެވެ
ހިތް މިވަނީ ފިސްވެފައެވެ.
މޭ ޗިސްޗިސްވެފައެވެ.
ގިސްލަ ގިސްލާ ކަޅުކަޅި ވެއްޓެން ކައިރިވެފައެވެ.
ބަސްހުއްޓި މީހާމުޅީން ގޮތްހުސްވެފައެވެ.
ކަލާ އަހަރެން ދޫކޮށްލާފައި ތިޔަ ދިޔައީ ކީއްވެގެން ހެއްޔެވެ؟
އަލާ ފިލާވަރު ހަދާނުދެވުނީ ހެއްޔެވެ؟
ދަލާލޭ އޮހޮރުވައި ކަލާ އުފަލުގައި ގެންގުޅެވޭތޯ އަހަރެން ބެލީމެވެ.
ބަލާއެކޭ ބުނެ ދައްބަނޑުގައި ކޮޅުފައިންޖަހާފައި ވަކިވެގެން ހަމަ ތި ދިޔައީހެއްޔެވެ؟
އަންހެނުންނަކީ ދެމިވަރަކަށް ދެމޭ ބަންނަރަބަރެއް ކަހަލަ އެއްޗެކޭ ބުނާތީ އެހީމެވެ.
ނަންނުގައްޖައްވުރެ ފަސޭހައިން ހަނިދޭތެރެއިން ދެމޭ އެއްޗެކޭ ބުނާތީވެސް އެހީމެވެ.
ކަންކޮށްފައި ނަންނުވަން މަސައްކަތް ކުރާނޭ ބުނާތީވެސް އެހީމެވެ.
ކަންމިހެންއޮތަސް، ކަލާތީ އެބުނާކަހަލަ ސޫއްޕެއްކަމަކަށް މިއަޅާ ޤަބޫލެއް ނުކުރަމެވެ.
ރަންފެނި އަނެއްކާ ކަލާވެސް ހޭބަލި ވީހެއްޔެވެ؟
'އަން' ކިޔާފައި 'ހެން' ނުކިޔަސް ތި ހުރިހާ އެއްޗަކީ،
ފެންވަރުން އެކައްޗެއްކަން މިއަދު އަޅާޔަށް އެނގިއްޖެއެވެ.
ދެން އިތުރު ވާހަކައެއް ދެއްކުމުގެ ބޭނުމެއް އޮތްކަމަކަށް ނުދެކެމެވެ.
2 comments:
psppspspspsps theee dhen boduvarehnnu.
lhen varah fakkaa ingey--ekamu haasaru masslaakeee ingey
wowwwwwww
Post a Comment